Mən, həkim mama-ginekoloq Xanım Adıgözəlova 2011-ci ildə Azərbaycan Tibb Universitetinin müalicə-profilaktika fakültəsini, 2017-ci ildə isə sözügedən universitetin mamalıq-ginekologiya kafedrasında rezidentura təhsili almışam.

2011-ci il oktyabr ayından 2013-cü il fevral ayına qədər Elmi Tədqiqat Mamalıq və Ginekologiya İnstitutunda rezident mama-ginekoloq olaraq çalışmışam.

Daha sonra, 2013-cü il fevral ayından 2015-ci il iyul ayınadək 7 saylı doğum evində, 2015-ci il iyul ayından 2017-ci il noyabr ayınadək isə ATU Cərrahiyyə klinikasında rezident mama-ginekoloq olaraq çalışmışam.

2017-ci il noyabr ayında Almaniyanın Lübeck şəhərinə yollanaraq oradakı “UKSH Lübeck Frauenklinik”də həkim mama-ginekoloq olaraq fəaliyyətimə davam etdirmişəm. 2018-ci il fevral ayına qədər davam edən bu fəaliyyətimdə ginekologiya sahəsində daha da artıq biliklərə yiyələnmiş, yeni təcrübələr əldə etmişəm.

Ölkəyə qayıtdıqdan sonra 2019-cu il oktyabr ayında 5 saylı Kliniki doğum evinin qadın məsləhətxanasında həkim mama-ginekoloq olaraq çalışmağa başladım. Hələ də burada çalışıram.

Bu illər ərzində – 2022-ci il iyul-sentyabr aylarında Türkiyənin Ege Təhsil və Araşdırma Universitetinin Qadın xəstəlikləri və Doğum şöbəsində (Eğitim ve Araşdırma Üniversitesinin Kadın hastalıkları ve doğum) həkim mama-ginekoloq olaraq çalışmışam.

2022-ci il dekabrdan isə Elmi Tədqiqat Mamalıq Və Ginekologiya İnstitutunda da çalışmağa başladım.

Mama-ginekoloq olaraq fəaliyyətə başladığım ilk gündən daimi öz üzərimdə işləyib bu sahənin ən son məlumatlarına sahib olmağa çalışıram. Yerli və beynəlxalq protokollarla işləməyə, xüsusən də ACOG və ESHRE ilə işləməyə üstünlük verirəm.

Kiçik və orta həcmli mamalıq və ginekoloji əməliyyatları icra edirəm. Bununla yanaşı normal va patoloji hamiləliklər zamanı tam və hər tərəfli antenatal xidmət, ginekoloji xəstəliklərin diaqnostikası və müalicəsi, mamalıq və ginekoloji USM müayinəsi, kolposkopik müayinə kimi müayinələr edir, sizlərin daima sağlam və xoşbəxt olması üçün çalışıram.