Genital Ziyillər: Niyə Yaranır və Necə Müalicə Olunur?

“Condyloma acuminata” kimi də tanınan genital ziyillər müxtəlif fəsadlara səbəb ola və gələcəkdə sağlamlığa təsir edəcək problemlərinin qarşısını almaq üçün müvafiq müalicə tələb edə bilər. 

• Psixoloji və Emosional Təsir

Genital ziyillər yaranan şəxslərdə əhəmiyyətli psixoloji və emosional problemlər yarana bilər. Xüsusilə də xanımlarda münasibətlərə, cinsi sağlamlığa və ümumi həyat keyfiyyətinə təsir edə biləcək narahatlıq, utanc və cinsi istəkdən çəkinmə halları bura daxildir.

• Transmissiya riskinin artması

Genital ziyillər HPV-nin cinsi partnyorlara ötürülmə riskini artıra bilər. HPV çox yoluxucudur və görünən ziyillər olmasa belə, cinsi fəaliyyət zamanı dəridən dəriyə təmas yolu ilə ötürülə bilər. Bu, HPV-nin digər şəxslərə yayılmasına və onlarda da genital ziyillərin inkişafına səbəb ola bilər.

• Təkrarlanma və Yayılma

Genital ziyillər yaxşı müalicə nəticəsində yox olsa da, təkrarlana bilər, çünki virus bir dəfə daxil olduğu bədəndə hərəkətsiz qala, yaxud da həmin virusa qarşı bədən həssaslaşa bilər. 

Bundan əlavə, müalicə olunmayan ziyillər genital bölgənin digər bölgələrinə və ya hətta bədənin digər hissələrinə yayıla və yeni tipli ziyillərin bədəndə  artmasına səbəb ola bilir. Ona görə də təkrarlanma və yayılmanın qarşısını almaq üçün ziyilin öz-özünə sağalmasını gözləmək olmaz.

• Uşaqlıq boynu xərçəngi riskinin artması

Riskli HPV növləri qadınlarda uşaqlıq boynu xərçənginin inkişaf riskini artıra bilər. 

Bu səbəbdən də uşaqlıq boynunda baş verə biləcək hər hansı dəyişiklikləri izləmək üçün mütəmadi olaraq müayinə olunmalı, öncədən ziyili olan qadınlar həkim nəzarətində olmalıdır.

Genital ziyillərin yaranma növləri kimi müalicə formaları da fərqlidir. Bu səbəbdən də fəsadların artmaması, yayılmaması və daha böyük problem yaşamamaq üçün müalicənin həkim nəzarətində olması vacibdir.

Bununla belə, genetal ziyilin bəzi müalicə formaları bunlardır:

• Dərmanlar

Genital ziyillərin müalicəsi üçün ziyilin növünə və yayılma əhatəsinə görə təyin olunan dərmanlardan istifadə olunur. 

Bu dərmanlar birbaşa ziyillərə tətbiq olunur və immunitet sistemini stimullaşdırmaqla və ya ziyil toxumasını məhv etməklə genital bölgəni ziyildən təmizləyir. 

Dərmanların istifadə forması və vaxtlarını isə həkimin təlimatına uyğun edirsiniz.

• Krioterapiya

Krioterapiya ziyil toxumasını məhv edən maye azotla ziyillərin dondurulmasını həyata keçirən prosesdir. 

Bu proses genital bölgədəki kiçik ziyillər üçün effektivdir vasitədir.

• Elektrokoter və ya lazerlə müalicə

Elektrokoter və ya lazerlə müalicə ziyilləri yandırmaq, yaxud da buxarlamaq üçün istilik, lazer enerjisindən istifadəni nəzərdə tutur. 

Genital ziyilin lazer, yaxud da elektroteriya ilə müalicəsi böyük və müalicəsi uzun müddət davam edəcək ziyilin sağalma prosesini tezləşdirmək üçündür.

• Cərrahi yolla ziyilin çıxarılması

Müəyyən hallarda, xüsusən də böyük və ya davamlı ziyillər üçün cərrahi çıxarılma yoluna üz tuturuq. 

Cərrahi yolla ziyilin çıxarılması lokal anesteziya altında həyata keçirilir. Bu əməliyyat zamanı ziyil özü kəsilir, yaxud da olduğu nahiyəyə çox yayılıbsa, bütün yayılan hissə təmizlənir.

• HPV peyvəndi

HPV peyvəndi genital ziyillərə və uşaqlıq boynu xərçənginə səbəb ola biləcək müəyyən HPV növlərinə qarşı effektiv profilaktik tədbirdir. 

Genital ziyildən qorunmaq üçün bu peyvənd həm kişilər, həm də qadınlar üçün tövsiyə olunur.

Peyvəndin vurulmasına isə adətən yeniyetməlik dövründə başlanır və bədəndə HPV ilə əlaqəli bütün növ ağırlaşmalara qarşı müdafiə yaradır.