Qeysəriyyə Əməliyyatı: Hansı Vəziyyətlərdə Lazımdır ?

Normal doğuş ana və körpənin sağlamlığı üçün təhlükəli vəziyyət yaradacaqsa, qeysəriyyə əməliyyatı ilə doğuşa üstünlük verilməlidir. Bəs qeysəriyyə, ya təbii doğum arasında qaldıqda qeysəriyyənin seçilməsi üçün əsas olan bu təhlükəli hallara nələr daxildir?

• Doğum başladıqdan sonra saatlarla davam edən sancılara baxmayaraq, uşaqlıq boynu körpənin doğumu üçün kifayət qədər genişlənə bilmir.

• Sefalopelvik disproporsiya normal doğuşa mane olan amillərdəndir. Bu körpənin başının və ya bədəninin ananın çanağından təhlükəsiz keçməsi üçün çox böyük olduğunu və ya ananın çanağının orta ölçülü bir körpə dünyaya gətirmək üçün çox kiçik olduğunu ifadə edən bir termindir.

• Əvvəlki doğumun keysəriyyə əməliyyatı ilə olması. Bundan sonra vaginal doğum mümkün olsa da, bu, hər kəs üçün bir seçim deyil. Buna təsir edə biləcək faktorlar arasında əvvəlki keysəriyyə əməliyyatında istifadə edilən uşaqlıq yolunun kəsik növü və uşaqlığın yırtılması riski daxildir.

• Böyük mioma, çanaq sınığı və ya müəyyən anadangəlmə anomaliyaları olan körpənin gözlənilməsi də doğumun əməliyyatla olmasına səbəb ola bilər.

• Mərkəzi cift gəlişi halında keysəriyyə əməliyyatından istifadə edilir. Bu vəziyyətdə, cift uşaqlığın ən aşağısına yapışaraq körpənizin serviksdən çıxmasına maneə olur.

• Anada somatik xəstəliklər (kəskin ürək, böyrək, qaraciyər çatışmazlığı və.s) həmçinin, bir sıra infeksion xəstəliklər (aktiv HİV, hepatit B, hepatit C, xarici cinsiyyət yollarının kondenomaları və. s) olması. Bu zaman vaginal doğuş tətbiq olunarsa, ananın vəziyyəti doğuş zamanı pisləşə bilər.

• Göbək kordonunda dolaşıqlıq meydana gəlmişdir.

• Ana ikidən artıq uşaq gözləyir. Əkizlər adətən vaginal yolla doğula bilsələr də, iki və ya daha çox körpə üçün əməliyyat tələb oluna bilər.

• Körpə ana bətnində lazım olduğundan fərqli bir vəziyyətdədir. Yəni doğum başladıqda körpə “boylama” vəziyyətində olur və ilk gələn baş hissə olur. Lakin bəzən körpə çəp, köndələn və ya sağrı gəlişində olur ki, bu zaman əməliyyat tələb olunur.

• Körpədə bətndaxili boğulma halı, bətndaxili hipoksiya var.

Qeyd edilən vəziyyətlərdən biri və ya bir neçəsi müşahidə edilərsə, doğum keysəriyyə əməliyyatı vasitəsilə edilməlidir. Əksər hallarda uşağın belə doğulacağına bir neçə ay əvvəlcədən qərar verildiyi halda, bəzən isə doğuş ərzində yaranan vəziyyətə əsasən əməliyyat təcili tələb olunur.