Vaginal Axıntı: Hansı Hallarda Həkimə Müraciət Etməliyəm ?

Hamiləlik zamanı qəhvəyi rəngli axıntı görünə bilər. Hamiləlik zamanı bu kimi hallar ilə qarşılaşan qadınların narahat olmasına ehtiyac yoxdur.  Çünki hamiləlikdə axıntı adətən sağlamlıq problemləri ilə əlaqəli olmur. Hamilikdəki axıntının səbəbləri arasında implantasiya, cinsi əlaqə və ya vaginal müayinə, idman etmək yer alır. 

İmplantasiya. Bəzi insanlar hamiləliyin başlanğıcında az miqdarda qəhvəyi və ya çəhrayı axıntı ilə qarşılaşa bilər. Bu, embrionun uşaqlığa bağlanmasının bir əlamətidir və bu cür axıntı ilə özünü biruzə verir. 

Cinsi əlaqə və ya vaginal müayinə. Hamiləliyin istənilən mərhələsində vaginaya hər hansı bir müdaxilə nəticəsində bu hal görünə bilər. Belə ki, cinsi əlaqə və ya vaginal müayinədən sonra görünən ifrazat da qəhvəyi və ya çəhrayı rəngli olur. Hamiləlikdə cinsi əlaqə sonrası axıntıya səbəb serviks və ya vaginanın qıcıqlanmasıdır. Lakin cinsi əlaqə sonrası axıntı olarsa, bu barədə ginekoloqa məlumat vermək mütləq lazımdır. Çünki bu, çox ağır patalogiyaların xəbərçisi ola bilər. 

İdman etmək. Güclü məşq hamiləliyin istənilən vaxtında vaginal ləkələrə və ya axıntıya səbəb ola bilər. Belə hal adətən qanaxmaya səbəb olmadığı müddətcə narahatlığa səbəb olmur. Lakin hamilə vaxtı idman edərkən bu kimi hal olarsa, ginekoloqa bu barədə məlumat vermək mütləq lazımdır. Əgər həkim müayinədən sonra icazə verərsə, yüngül idmana keçə bilərsiniz, amma bu qərarı həkimin məsləhəti ilə vermək lazımdır.